Taua o Midway

O le Taua o Midway o se taua tele na tupu i totonu o le Pasefika mai le 4-7 Iuni 1942. O lenei taua o se vaega o le Taua lona 2 a le Lalolagi (WW2), ma na fetaui ai le va o le Neivi a le Emepaea o Iapani (IJN) ma le Neivi a le Iunite Sitete o Amerika (USN). Sa fa'aiu le taua lea i le manumalo mautu o Amerika, ma na amata ai le solaaga a Iapani mai le Pasefika.

Va'alele Tau a le Neivi o Amerika (USN) o lo'o o agai i se Va'a Tau o Iapani (IJN) i le taimi o le Taua o Midway.

Fa'afanua o lo'o fa'aalia ai le fa'alauteleina o le Emepaea o Iapani i le 1942.

Na amata le taua a Iapani ma Amerika i le 7 Tesema 1941, taluai le osofa'iga fa'afuase'i a le IJN e faapomuina le uafu o "Pearl Harbor" i totonu o Hawai'i. O i na sa taula ai le tele o va'a tau a Amerika. Na ova ma le 2,000 tagata na maliliu talu ai lenei mea, faaopopo ma le malepeina o le tele o va'a tau.

Sa vave ona gaoioi ia Iapani i luga o le Pasefika. E le'i leva ae amata fetauaina agai Filipaina, Malasia ma isi motu o Papua niu Kini.

Ia Me 1942, na toe fetaui Neivi a Amerika ma Iapani i totonu o se vasa tele i talane o Ausetalia, Niu Kini, ma Atu Solomona (Battle of the Coral Sea). O le taimi muamua lea na faaoga ai va'alele e faatino ai le taua, nai lo le faaaogāina o fana tetele. O le taunuuga o lea taua sa le i mautinoa. Ae na aafia ai le tuufaatasiga o le isi taua o le a oo mai.

Talu ai le osofa'iga fa'ate'ia a Amerika i luga o Tokio (Doolittle air raid), na sauaina e ta'ita'i o Iapani se fuafuaga e puipui ai le latou atunu'u. Na latou fuafua e maileia le USN ma talepe latou vaa i le taimi e tasi. Mai le avanoa lea, e mafai ai ona tauaina e Iapani Fiti, Samoa, ma Hawai'i. Paga lea na afaina le fuafuaga ona o le leaga o le vavalo o mafaufauga a Amerika, ae maise fo'i le pu'ega e tagata fa'alogo o Amerika ia fuafuaga. Mai tala ia, na sauni le USN mo le taua lea la'a sosoo.

E 7 va'a tau mo va'alele na faaoga i le Taua o Midway, 4 mai le IJN ae 3 mai le USN. I le faiuna o le taua, na gogoto uma va'a ia a Iapani, faaopoopo ma se va'a tau faga e 1. Mo Amerika, na leiloa le 1 va'a tau mo va'alele ma faaleagaina lesi lua, ae na leiloa fo'i le va'a tau faga e 1.

O le faiaina lea, faaopoopo ma taua faigata i Motu Solomona, na faigata ona toe maua e Iapani le malosi na leiloa mai le Midway. Mai le taimi lena na amata na solomuli le latou taua ma Amerika seia oo ina latou faiaina i le 1945.