'O Apia, 'o le laumua lea o Sāmoa. 'O se taulaga fo'i e nonofo ai tagata e to'atele. E nonofo ai le aofa'i o tagata e 38,800 i totonu o le taulaga 'o Apia. 'O lenei taulaga, e tele ona 'ofisa 'autū, pei 'o le 'Ōfisa o le Mālō o Sāmoa, le Maota Palemene o Sāmoa, Le 'Ōfisa o Fa'asalalauga o le SBC, le uafu mo le fela'ua'iga o koneteina (containers) tetele, le fale talimālō o Aggie Grey's ma le Hotel Kitano Tusitala, le 'Ōfisa o Leoleo, McDonald's , Fale'aiga 'ese'ese('aemaise le fale'aiga o Pinati), Faletifaga, Falesā 'ese'ese, Le Maketi Fou, Maketi O I'a, Le uafu o femalaga'iga i le vao o To'elau ma Tutuila, Kalapu Sisiva, Fale'oloa 'ese'ese ma le tele o nisi o mea 'ua mafai ona 'e maua i so'o se taulaga i lalolagi 'ātoa........
O Manono o le motu i Sāmoa e tu i le va o Upolu ma Savai'i. E 889 tagata e nonofo i Manono. A fa'apea e fia malaga i Manono, e o tagata i va'a laiti mai Mulifanua. Na faiina le malo se fasotaiga tau telefoni i Manono ma eletise 24 tula o le vaiaso.
'O le Iunivesitē Aoao o Sāmoa, e tū i le 'Papaigalagala' i Vaivase, Apia i Sāmoa. E to'atele tupulaga mai le Pasefika 'ua ā'o'oga ai i lenei Iunivesite. Na fa'atūina lenei Iunivesite i lalo o le pūlega fa'apalemia a le afioga ia Tofilau Eti Alesana. 'O se tōfā loloto lea na fa'ataunu'uina ai lenei fa'amoemoe, ma tula'i mai ai se Iunivesite a Samoa lava ia.
'O le 'Inisinia 'o se tagata atamai i mea tau tekonolosi e fau ai masini po'o fausaga tetele e pei o alalaupapa, ala tetele fa'apea ma vāega 'ese'ese o le soifua e mana'omia ai se masini po'o se meafaitino e fesoasoani ai i le fa'afaigofie o le olaga o le tagata.
'O le Lakapī 'o se ta'aloga e fiafia tele i ai tagata Sāmoa. 'O lenei ta'aloga, 'ua 'avea ma ta'aloga e naunau 'i ai ma to'a'aga 'i ai tupulaga tama i Sāmoa. 'O le isi mea e sili ona tāua, 'ua ta'uta'ua ai fo'i le atunu'u o Sāmoa 'ona 'o lana 'aulakapī e fa'aigoa o le Manu Sāmoa.
Faʻatomuaga
'O lenei nofoaga 'ua fa'atautaia mo tagata e tautatala i le Gagana SāmoaWikipedia po'o tagata fo'i 'olo'o fia a'oa'oina le gagana Sāmoa.
'Afai e loloto lou mālamalama i le Gagana Sāmoa, e mafai lava ona 'e suia isi 'upu ma feasoasoani i le fa'a'upuina ma le teuteuga o matā'upu e fa'atalanoaina i totonu o lenei nofoaga po'o le potu.
Mo se fa'amatalaga i le fa'atinoina o le Wikipedia,po'o le poroketi Wikipedia va'ai le nofoaga po'o le potu www.wikipedia.org
Fa'amolemole va'ai 'upu lanumūmū, 'olo'o mana'omia ai lau fesoasoani mo sau fa'amatalaga (po'o se fa'aliliuga fo'i) o nei matā'upu.
