Iunivesitē

(Redirected from Iunivesite)

'Ua tāua le iai o tagata Samoa i Iunivesitē. 'O aso nei, 'ua iai iunivesite e tolu i Samoa. 'O le Iunivesitē o le South Pacific na muamua lava fa'atū i Samoa, ona soso'o ai lea ma le iunivesite o Samoa, lea 'ua ta'ua nei o le National University of Samoa. 'Ua iai fo'i ma se Iunivesitē i le falema'i i Mato'otua e a'oa'o ai mea tau le soifua mālōlōina.

'Ua ia fo'i ma se Iunivesitē e ta'ua 'o le AMOSA- na fa'atūina e se tasi tinā lauiloa i Samoa ona 'o ia lea na 'avea ma Samoa muamua na maua lana fa'ailoga o le Fōma'i o le Māfaufau (PhD). O lona suafa o Aiono Fanaafi Le Tagaloa. Sā 'avea fo'i o ia ma le fa'atonu Samoa muamua o le Ofisa o Ā'oga i Samoa ma na ia taumafai ai e sui faiga tau le a'oa'oina o le gagana Sāmoa i ā'oga. E tele ni vāega aogā ma le tāua na fa'ata'atitia e Fanaafi i nā aso. Peita'i, 'ina 'ua alu 'ese ma lea ofisa o ā'oga ma 'avea ai loa ia ma Porofesa o le Gagana Sāmoa, i le Iunivesitē Aoaoa o Samoa i lona fa'ato'ā 'amata, na ia taumafai a loa e faauau le fa'atāuaina o le gagana Sāmoa. Na alu 'ese loa Aiona ma fa'atū lana ia lava Iunivesitē lea o le AMOSA, e a'oa'o ai matā'upu 'ese'ese i le gagana Sāmoa.