Kiui

O le Kiui, po'o le Kiwi, o se Manu Felelei e maua i pitonu'u a Niu Sila. E le mafai ona lele lea manu, ae fa'aoga vae e savali. O le Kiui e tusa lona lautele ma le Moa, ma e pitoisili ona la'ititi i vaega o Manu Felelei e le mafai ona lele.

Ata o le Kiui. 2007.

E 5 tu'aina Kiui o lo'o maua i Niu Sila, ae ua lamatia aofa'i o ia kulupu talu ai ta'atiaga o vaomatua. I le taimi nei ua puipui'ina nofoaga o lo'o totoe, ma taumafai e tagata fa'asao ona tausi ia vaega mai manu fe'a'ai ma isi mea e a'afia ai lea manu.

E la'ititi apa'au a le Kiui. O ona fulufulu e foliaga e pei o lauulu a le tagata, ma e ufitia ai le tino atoa. E pitoisili ona tele le fuamoa a le Kiui pe'a fua fa'atatau i le lautele a le manu. E mafai ona o'o le mamafa o fuamoa i le 20% a le mamafa a le Kiui. O nisi vaega o le Kiui, e pei o ona vae pu'upu'u ma gutu umi, ua ta'uta'ua ai lea manu i le lalolagi.

O le Kiui e pitoisili ona taua i le aganu'u o Niu Sila. Ua ave le Kiui mo nisi igoa tauvala'au a tagata Niu Sila.