Iulio Kaisara

Mo le Emeperoa o Roma, faitau: Aokuso Kaisara.
Mo le suafa o Kaisara, faitau: Kaisara (suafa).

Iulio Kaisara (12 Iulai 100 BC - 15 Mati 44 BC) o se Ta'ita'i Fitafita ma Faipule mai le Repapelika o Roma. O ia le na sa taitaia Vaega'au o Temoni i le Taua o Kalatia, ma fa'ato'ilaloina lona fili fa'apolokiki o "Pompey" i le Taua Faalemalo o Roma. Mai le 49 BC agai i le 44 BC, sa avea ia Kaisara o le Dictator o Roma seia oo i lona fasiotina e isi tagata o le Senate. O Kaisara sa sili ona faatosina mea na tutupu e oo atu ai i le iuga o le Repapelika ma le amataga o le Emepaea.

Ata lanu o loo faalia se vaaiga mai le Taua o Kalatia.

I le 60 BC, sa faia e Kaisara se soofaatasi fa'apolotiki ma Faipule o "Kuresa" ma "Pompey", i se faatulagana muamua sa taua o le "Triumvirate". Sa tele ona le fiafia isi vaega o le Senate i le soofaatasiga lea, talu ai le tulitulina o pulega malolosi. Sa siitia tulaga polokiki a Kaisara mai le Taua o Kalatia, sa amata mai 59 BC ma gata i le 51 BC. I le faaiuga o le Taua lea, sa faalauteleina e Kaisara le tuaoi a le Repapelika i se eria i le lautele a le atunu'u o Farani.

Sa maliu ia "Kuresa" i le tasusaga 53 BC. Mai le faaiuga o le Taua o Kalatia sa talosaga le senate ia Kaisara e faamavae mai lona tiute i Kalatia, ma toe foi ia ia Roma. I le 49 BC, sa kolosi e Kaisara le Vaitafe o "Rubicon" ma se Vaega'au o Temoni. O i na sa amata ai le Taua Faalemalo o Kaisara. Na toe manumalo Kaisara i le 45 BC, ma aveaina ai o ia o le tagata sili ona malosi i le atunuu o Roma.

Sa faaoga e Kaisara lona pulega polotiki e sui ai faiga o galuega a le malo ma sosaiete o Roma. O i na fausia ai le Kalena Iulio, le avatuina o Sitiseni agai isi pitonu'u a le Repapelika, ma le polokalame e fa'avaevaeina ia fanua mo fitafita litaea. I le 44 BC, sa maua e Kaisara le pulega polotiki e le gata, po'o le "Dictator Perpetuo". Sa popole isi tagata a le Senate o lo'o tuli e Kaisara le pulega tautupu. O le vaitaimi lea na sauni e latou se fuafuaga e fasioti ai Kaisara. I le 15 Mati 44 BC, sa maliu Kaisara i totonu o se fale Senate. Mai le taimi lenei se'i oo i le 27 BC, sa aofia le Ripapelika i Taua Faalemalo, ma gata i le faatuina o Aokuso mo Emeparoa muamua o Roma.

O Kaisara sa ausia i le tele o mea taua o Roma. E faimai le tele o tusitala faasolopito, o ia o se tasi o taitai sili. Ua faaogaina lana faaiu ma se suafa o tupu ma emeparoa.