Sāmoa

(Redirected from Samoa)
Malo Sa'oloto Tuto'atasi o Sāmoa
Independent State of Samoa
fu‘a o Sāmoa Coat of arms of Sāmoa
Fu‘a o Sāmoa Coat of arms of Sāmoa
Location of Sāmoa
Laumua Apia
Gagana tetele Fa'aperetania (Igilisi), Sāmoa
Palemia o le Malo Tuilaepa Aiono Sailele Malielegaoi
Location of Sāmoa

O Sāmoa o se atunu‘u Polenīsia i le vasa o le Pasefika. E lua motu tetele, Upolu ma Savai'i. E 180,741 (2006) le aofai o tagata e nonofo i totonu o Sāmoa.[1]Sa tutoatasi Sāmoa i le tausaga 1962. Ua manumalo Sāmoa i le tutoatasi ua lana pule anamua, Niu Sila. O Sāmoa o le Atunuu muamua i le Pasefika na ia uluai maua le tutoatasi ao i lalo ai o le vaavaaiga a Niu Sila. I aso nei, e lua ni atumotu tetele i Samoa: O Sāmoa i Sisifo lea ua faaigoa o Sāmoa, ma Sāmoa i Sasa'e lea ua faaigoa ia American Sāmoa, po'o Amerika Sāmoa.

I nei taimi, o le Palemia o le Malo Tutoatasi o Sāmoa o Tuilaepa Aiono Sailele Malielegaoi. O le Tama ma Ao O Le Malo mo Sāmoa, o lea ua tulai ai le Afioga ia Tuiatua Tupua Tamasese Efi ina ua tu'umalo le Susuga i le Malietoa Tanumafili II i le Aso Faraire,11 o Me 2007.

E toatele tagata Samoa e nonofo i fafo i isi atunu'u i le lalolagi. E toatele lava e nonofo i Niusila, Amelika, Ausetalia, Hawai'i, Amelika Sāmoa, Fiti, Tonga, Ausetalia, Europa, ma isi atunuu pei o Iapani.

O le tausaga 1722 na iloa muamua ai motu o Samoa e papalagi, mai i le fauvaa Holani Jacob Roggeveen, soso'o ai lea ia Louis-Antoine de Bougainville i le tausaga 1768.

Contents

Taulaga i ApiaEdit

O Apia le taulaga pito tele o Sāmoa, i le motu o Upolu. E 37, 708 (2006) tagata e nonofo i totonu o le taulaga o Apia.[1] O Apia o se nu'u laititi ua faaigoa ai le taulaga pito tele o Samoa, ae ua faapotopoto ai isi nu'u. O Apia e tu ai ofisa o le Malo ma fale pisinisi tetele o le atunuu.

MotuEdit

O motu uma o Samoa na foaina mai volekano.

E 10 motu o Sāmoa: Savai'i, Upolu, Manono, Apolima, Nu'usafee, Fanuatapu, Nu'ulua, Namua, Nu'utele ma Nu'ulopa. O motu o Manono, Apolima ma Nu'ulopa e tu i le va o motu tele o Savai'i ma Upolu. O Savai'i le motu pito tele i Samoa, na so'o ai lea o Upolu. E selau tolu sefulu maila le faataamilosaga o le motu o Upolu.

GaganaEdit

E lua gagana ua mafai ona faaogaina i Sāmoa, o le Gagana Fa'aperetania (Igilisi) ma le Gagana Faasamoa (Sāmoan).

ItūmālōEdit

 
Itūmālō o Samoa

E 11 itūmālō i Samoa. E 6 itumalo i Savai'i ma le 5 i Upolu ma motu laititi.[2]

  1. Upolu (including minor islands)

  2. Tuamasaga (Afega)
  3. A'ana (Leulumoega)
  4. Aiga-i-le-Tai (Mulifanua)1
  5. Atua (Lufilufi)2
  6. Va'a-o-Fonoti (Samamea)
  1. Fa'asaleleaga (Safotulafai)
  2. Gaga'emauga (Saleaula)3
  3. Gaga'ifomauga (Safotu)
  4. Vaisigano (Asau)
  5. Satupa'itea (Satupa'itea)
  6. Palauli (Vailoa)

1 ma motu o Manono, Apolima and Nu'ulopa
2 ma motu laiti e fa i Aleipata ma le motu o Nu'usafe'e
3 ma nu'u e lua i Upolu e iai Salamumu ma Leauva'a

LotuEdit

 
Palu o le 'Ava, 1911

O Sāmoa o se atunuu Lotu Kerisiano. Na amata le lotu Kerisiano i Samoa i le tausaga e 1830,[3] i le taunu'u atu o le misionare John Williams i Sapapali'i i le motu o Savai'i. O le taimi foi lea na amata ai i Samoa le galuega a le Sosaiete a Misionare o Lonetona (L.M.S.).

O lotu o i totonu o Sāmoa o le Lotu Katoliko (Lotu Pope), Lotu E.F.K.S-Ekalesia Faapotopotoga Samoa, Lotu Mamona, Lotu Metotisi, Lotu Patipati, ma tele o isi tama'ilotu kerisiano eseese ua faapena ona oo mai i totonu o Sāmoa. Sa i ai nisi atua sa faapena ona tapuai ai Sāmoa i aso ua mavae.

Ao le taimi nei, ua nao le toatasi lava le Atua ua faapena ona ifo taele ma tapuai a i tagata O Sāmoa ua nao le Tama o i Le lagi, le Atua, o le na faia i tatou i le faavae o Sāmoa, o loo faapea ona tusia ai upu nei: E fa'avae i le Atua Sāmoa.

Mau faasinoEdit

  1. 1.0 1.1 http://www.sbs.gov.ws/Portals/138/PDF/census%20survey/Table%202.%20Population%20byregion,%20faipule%20district%202006.pdf Samoa Bureau of Statistics, 2006 Population by region, faipule districts, village, age and sex, Retrieved 2 January, 2010.
  2. http://www.paclii.org/ws/legis/consol_act/tca1963317/ Samoa Territorial Constituencies Act 1963, Pacific Islands Legal Information Institute, Retrieved 2 January, 2009
  3. http://130.195.86.216/tm/scholarly/tei-TanSamo-_N66610.html Samoa Anamua by Siaosi Tana (lomia muamua i le tausaga 1884), NZ Electronic Text Centre, Victoria University, Retrieved 2 January, 2010.


Oseania
Amerika Sāmoa | Ausetalia | Fiti | Farani Polenisia | Guam | Hawai'i | Kiripati | Le Motu o Solomona | Marshall Islands | Feterisitete o Micronisia | Nauru | Niu Kaletonia | Niu Sila | Niue | North Mariana Islands | Palau | Papua Niu Kini | Pitkern | Samoa | To'elau | Toga | Tuvalu | Vanuatu | Wake Island | Wallis and Futuna