Wikipedia

Amerika Sāmoa

(Redirected from Amerika Samoa)
Fu'a o Amerika Sāmoa

Fu'a

Peleue lima Peleue lima
Konetineta Oseania
Peresitene [[1]]
Aofai o Tagata 55,689 (2018)
Eria Aofai 77 mi2
Laumua Pago Pago
Gagana tetele Peretania(igilisi), Sāmoa
Tupe Tala (USD)
Sone o Taimi UTC-11
Valaauina Tulafono +1 684
'Upega o Feso'ota'iga (Initaneti) .as

O le vaega o Sāmoa e pule ai Amerika.

O Amerika Sāmoa o le Teritori o le Iunaite Sitete o Amerika mai le tausaga e 1900 se'ia o'o mai i le taimi nei. O Amerika Sāmoa o se atunu‘u Polenīsia i le vasa o le Pasefika. E 60,000 tagata e nonofo i Amerika Sāmoa. E fitu motu o Amerika Sāmoa. O Tutuila le motu pito tele i Amerika Sāmoa, na so'o ai lea o Ta'ū. ‘O motu o Manua’a e pito i sasa’e ma e aofia ai motu e tolu o Ta'ū, Ofu, ma Olosega. O motu o Ofu ma Olosega ua ta’ua o le uso tama’ita’i taluai o lo la’ua va e laitiiti i lo’o le 300 iata le papa’u o le aau. E 60 maila le va o Manu'a ma Tutuila. Ua lafulemu lona laueleele ma ua tele vaitafe. E maualuluga ia motu uma ma le mauga. O le faitau aofa’i o tagata i Tutuila pe tusa ma le 55,876.

O le faitau aofai o tagata o Amerika Sāmoa, e pei ona faamatalaina e le CIA o Fuainumera Faamauina, na faatatauina i le 2018 e avea 50,826 tagata.[1] ‘O Pagopago ‘o le laumua o Amerika Sāmoa. E iai Pagopago i le motu Tutuila i Amerika Sāmoa. E tele fale oloa ma fale o le malo, ma fale sa i lenei aai. E iai fo'i fale tetele i Pagopago. 'O 'Pagopago fo'i, e to'atele atu tagata e nonofo ai nai lō le fuanūmera o tagata e nonofo 'i le motu o Ta‘ū. O Pagopago le taulaga pito tele o Amerika Sāmoa, i le motu o Tutuila. E 3,656 tagata e nonofo i totonu o le taulaga o Pagopago. O Pagopago e tu ai ofisa o le Malo ma fale pisinisi tetele o le atunuu. O Amerika Sāmoa e le o se atunuu kolone a le malo tele o Amerika, ae o le teritori o le Iunaite Setete. Talu le tausaga 1899 ua pule e le Unaite Setete o Amerika i motu o Amerika Sāmoa. O lea sootaga ua mafai ai e Amerika Sāmoa ona fai ana ia lava faaiuga, mo se faataitaiga, e filifili e Amerika Sāmoa lana kovana ma le lutena kovana.

O lona tau e vevela. O Amerika Sāmoa ma ona siosiomaga i le pasefika o ni nofoaga e le malu puipuia mai i mafuie atonu e mafai pe le mafai foi ona tupu ai se Sunami. E masani ona tutupu afā i le vaitau timuga umi lava (Oketopa-Me) ae pu’upu’u le vaitau mālūlū ma le mago (Iuni-Setema).[2]

Talafaasolopito

Teuteu
 
Ta'ū. O le motu aupito tele lea o Manu'a; e aupito i sasa’e fo'i.[3]
 
Ua vaevaeina Tutuila i itu-malo tetele e lua.

Tala faasolopito o Amerika Sāmoa:[4]

O su’esu’ega i tala eli i le nofoaga o To’aga i Ofu, e fa’amaonia ai sa nonofo mau tagata iina mo le 3,000 tausaga.[5] O Saua i le motu o Ta'ū, o se tasi lea o nofoaga sa ulua’i nofoia i le atu Polenisia, mā ua talitonuina o le tupuaga lea o tagata Samoa ma isi aganuu o le atu Polenisia.

O le uluai fesootaiga faamauina ma tagata Europa na tulai mai i le 1722, ina ua vaaia e le tagata folau Holani o Iakopo Rokeuaina ni isi o motu. Na sosoo mai ai lea ma alii Farani o Louis Antoine de Bougainville i le 1768 ma Jean-François de La Pérouse i le 1787. Na taunuu mai le uluai misionare Kerisiano mai Europa le alii Peretania o Ioane Viliamu mai le Lonetona Misionare Sosaiete (LMS) i le 1830. Na sisi e le Taitai o le Neivi a Amerika o Benjamin F. Tilley le fu’a Amerika i le Aega i Sogelau ia Aperila 17, 1900, ma tuu atu ai Amerika Sāmoa i lalo o le vaaiga a le Neivi a le Iunaite Setete mai le 1900 i le 1951.[6]

  • 1899: Talu le tausaga 1899 ua pule e le Unaite Setete o Amerika i motu o Amerika Sāmoa.
  • 1900: O Commander Benjamin Franklin Tilley le ulua'i Kovana Sili na filifilia e le Fua a le Iunaite Setete e pulea le Malo o Amerika Sāmoa.[6]
  • 1900: O le ulua'i sisiina a'e o le fu'a a le Malo o le Iunaite Setete i totonu o Amerika Sāmoa sa fa'atinoina lea i luga o le nofoaga maupu'epu'e i le Mati'e o Sogelau i le nu'u o Fagatogo.[6]
  • 1912: Ua fa'alauiloa alo'ia e le Malo o le Iunaite Setete le suiga taua i le igoa o motu o Tutuila ma Manu'a mai i le "Malo o le Fua a Amerika" i le igoa Amerika Sāmoa.[7]
  • 1925: Ua alo'ia nei le avea o le motu o Swains po'o Olohega ma motu o le Malo o Amerika Sāmoa.[8]
  • 1956: Na filifilia ai e le Matagaluega o le Initeria se tasi o tama fanau mai le nu'u o Pagopago, Peter T. Coleman, e avea ma ulua'i Sāmoa e fai ma Kovana Sili o Amerika Sāmoa.[9]
  • 1960: Sa talia aloa'ia ma faalauailoa ai le Faavae o Amerika Sāmoa ina.
  • 1980: Amatalia faigamalaga a le Kamupani Va'alele o le Hawaiian Air i le va o Amerika Sāmoa ma Hawai'i .
  • 1981: Ua filifilia ma avea Fofo I.F. Sunia ma ulua'i sui o le Teritori mo le Konekeresi.
  • 1990: Na matua fa'atama’ia ai e le afa malosi o Ofa le atu Sāmoa atoa.
  • 1991: Na matua fa'atama'ia foi le afa malosi o Valelia le atunu'u atoa i le masina o Tesema pe silia ma le vaiaso atoa. Sa matua tele mea totino, o fale, ma fa'ato'aga na fa'aleagaina uma e lenei afa malosi.
  • 1997: O le uluai taimi lenei na talimalo ai Amerika Sāmoa i Taaloga Laiti o le Vasa Pasefika.[10]
  • 2000: Na fa'amanatuina i lenei tausaga le atoaga o le 100 tausaga talu ona fa'avaeina le Malo o Amerika Sāmoa, ma lana faiga-pa’aga ma le Malo o le Iunaite Setete.
  • 2009: Na matua fa'atama'ia ai nisi o nu'u i Amerika Sāmoa ma le motu o Upolu i Sāmoa, e le tsunami mata'utia i le taeao o le Aso Lua, Setema 29, 2009. E silia ma le 40 i latou na maliliu ai i galu malolosi o lea galulolo i Upolu, 'ae o Amerika Sāmoa e to'a 24 i latou na maliliu ai.[11]

Fanua

Teuteu
 
Pago Pago, o le aai e aupito tele i Amerika Sāmoa uma.
 
O le faafanua o Tutuila. ‘O Tutuila le motu pito tele.[3][12]
 
Fa’asi’usi’uga o Matafao. E aupito mauga lenei itu o Tutuila. E 2,142 o futu le maualuga o lea mauga.[13]

O tagata totino o Amerika Sāmoa o US Nationals.[12][14]

O le taulaga tele i Amerika Sāmoa o Pagopago. O lo'o iai le fale o le malo i Utulei. O aai tetele foi ia: Tāfuna, Pago Pago, Nu'uuli, 'Ili'ili.[15] E 6 motu o Amerika Sāmoa e'aina, 'ae 2 motu e le nnofo ai ni. O motu o Samoa o se vaega o Polenisia ma na aīnā e tagata i le silia ma le 3,000 tausaga. O motu nei e 2,600 maila Sautesisifo o Hawai'i, 1,800 maila Matuisasa'e o Aotearoa, ma e ta’oto felata‘i ma le Laina o Aso Fa'avāomalo. O atumotu o Samoa e aofia ai le Teritori o Amerika Samoa ma le Malo Tuto‘atasi o Samoa (Samoa i Sisifo). E na‘o Amerika Samoa le Teritori o le Iunaite Setete e ī Saute o le Ekueta, e aofia ai motu mai maugamū e lima ma motu ‘amu e lua. Mai sisifo i sasa‘e, o nei motu o Tutuila, tama’i motu tuaoi o Aunu’u, ma motu e tolu o Manu'a-Ofu, Olosega ma Ta'ū. O ona ele’ele e 76 maila fa’atafafā ma le faitau aofa’i o tagata pe tusa ma le 55,000 (2010), e nonofo i le motu o Tutuila.

Ua vaevaeina le malo o Amerika Sāmoa i ni itumalo se 3: Itumalo i Sasa'e, Itumalo i Sisifo, ma le Itumalo o Manu'a.[12]

O le Mauga o Lata, o le nofoaga pito i sili ona maualuga i’inei i Amerika Sāmoa (3,170 futu/966mita), ma e ta’atia tonu lava i le ogatotonu o le motu o Ta'ū.[8]

O Amerika Sāmoa e i totonu o le itulagi o le Pasefika i Saute, e i le va o le Ekueta ma le Tropic of Capricorn. O lona tau e vevela. O le tulaga o le ea e mafanafana toe vevela i le tausaga atoa ma e susū foi le ea. E timu soo ma e a umi lava e po'o ni nai minute po'o aso uma foi. O tausaga ta'itasi e masani ona fuatia i le 125-inisi i nofoaga aupito mamago i le pe a ma le 300-inisi i mauga aupito i maualuluga.[16]

O igoa uma ia o igoa o Motu

Teuteu

E fitu motu:[12]

Siosiomaga

Teuteu

Ua na'o Sāmoa lava se tasi o atunuu, i se fuainumera itiiti o atunuu i le lalolagi e ola faatasi ai le togotogo saina ma le togotogo mumu. Pau lava isi atunu'u e maua uma ai nei laau e lua o ola faatasi o Niu Sila, Niu Kaletonia, Fiti ma isi aunu'u o le Pasefika. E taua ma e tulaga ese ma e tatau ona puipuia. O le mea lea e ala ai ona tele le naunau mai o Ofisa ole Malo Tele i togatogo i lauleele vaia. E ese le taua o le la’au lenei o le Lauie i tagata Sāmoa. O pala i Nu'uuli ma Leone ua iloga o ni laueleele vaia aupito taua ia e tatau ona puipuia ma faaleleia mo tuptulaga o i luma.

O pe'a o nisi nei o meaola e mauagofie i le vaomatua i Sāmoa ma vaega eseese o Amerika Sāmoa. E lapopo’a tele e oo lava i le 3 futu le lautele o le 'apa'au.[17] O pe'a na o le pau lea o le manu e lele o le ituaiga mamele e o mai lava mai Amerika Sāmoa.

Paka Fa'asao o Amerika Sāmoa

Teuteu
 
O Pola o se nofoaga aupitoa'i lelei mo manufelelei o le sami i Tutuila. O se tulaga lelei lona itumauga e 420 futu (128m).[18]

E puipui e le Paka Fa’asao o Amerika Sāmoa pe’a, a’au, vaomatua ma le aganuu Sāmoa. O le Paka Fa’asao o Amerika Sāmoa na o le pau lea o le paka a le Iunaite Setete e i saute o le Ekueta.[19][20][21] O le Motu o Pola o se nofoaga puipuia e ofaga i at manufelelei i luga o le sami. O pe’a o nisi nei o meaola e mauagofie i le vaomatua i Sāmoa ma vaega eseese o Amerika Sāmoa.[22] E afa o le Paka Fa'asao a Amerika Sāmoa o lo o iai i Manu'a. O Manu'a o lo o aumau ai le tele o manufelelei e lē maua i Tutuila—le segaula, segaolevao, ma le Spotless crake.[23]

E tupu le ‘amu i ogasami mafanafana o le teropika. E silia ma le 900 ituaiga i’a e maua i le ā’au i Amerika Sāmoa.[24] E silia ma le 35 ituaiga manulele ese'ese o le lotoifale e ofaga i totonu o lenei paka fa'asao.[25] E maua pe'a ma e pau foi lea o se meaola e patino lona tupu'aga ia Amerika Sāmoa.[26]

E fitu National Natural Landmarks iinei i Amerika Sāmoa sa mafai ona faatulagaina i le 1972:[27]

  • Tolotolo i Taputapu: o se tasi o le fitu o National Natural Landmark, e te maua i le mata'aga aupito sili ona maoa'e i totonu o Amerika Sāmoa. O gaoioiga o galu pe a fafati mai ma fetaui ma le pala matu na foa mai maugamu lea e pogai mai ai le motu o Tutuila.
  • Fa’asi’usi’uga o Matafao
  • Vāinu'u o Vai'ava
  • Vainu’u o ‘Aunu’u: O le motu o Aunu’u e ta’oto i le si’u sautesasa’e o Tutuila e tusa o se maila. E a ma le 450 Samoa e nonofo i le nu’u o Aunu’u i le talafatai i sisifo.
  • Mauga o Rainmaker
  • Pupū e Tofē o Fogama'a
  • Gataifale o Le’alā
  •  
    Fa'asi'usi'uga o Matafao
  •  
    Tolotolo i Taputapu
  •  
    Mauga o Rainmaker
  •  
    Vāinu'u o Vai'ava
  •  
    Vainu’u o ‘Aunu’u
  •  
    Gataifale o Le'alā
  •  
    Pupū e Tofē o Fogāma'a

Malo ma faiga faaupufai

Teuteu

Sa tumau pea Amerika Sāmoa i faigamalo a le Iunaite Setete mai le 1900. I le 1977 na maua ai e 'Amerika Sāmoa le avanoa e filifilia ai fa’apalota sa latou lava Kovana. O Amerika Samoa e le o se malo kolone ae o le teritori o le Iunaite Setete. I le sainia ai fo’i o le feagaiga i le va o Amerika Sāmoa ma le Iunaite Setete o Amerika, o iina na faavae mai ai lenei mafutaga, ae le’i faapea na mafua mai i ni faiga faamiliteli, ma o le avea ai o Amerika Sāmoa o se vaega o le aiga o le Iunaite Setete o Amerika, o se faaiuga sa iloiloina e ona lava tagata. O Amerika Sāmoa o se Teritori "unincorporated and unorganized" o le Iunaite Setete.[12][28]

Aganuu

Teuteu

O aganu’u eseese o le Polenisia na afua mai i Amerika Sāmoa. O le ala lea o loo feso’ota’i ai ālaga’oa ma talafa’asolopito o Amerika Sāmoa, ma ua iloga ai le maumaututu o lana aganu’u ua silia nei ma le 3,000 tausaga.

Ona o Amerika Sāmoa ose teritori, ole mea lea e matuā taua tele ai le vai i ana tu ma aganu'u. E taua le vasa ile tau o atu-motu, ma e feso'ota'i ai motu ta'itasi ma isi oganu'u ile lalolagi. E taua fo'i auā o le isi lea ala o mea taumafa mo tagata Sāmoa ma ose isi fo'i lea o itu fa'apitoa i mea tau i fa'afiafiaga i tagata nu'u ma e asiasi mai. Ole mamafa o timuga i luga o atu-motu e fesoasoani tele ile fa'aolaolaina o la'au tōtō, ma o vai i luga ole fogāeleele e taua tele mo tagata Sāmoa. Ole olaga sa masani ai Sāmoa ma lona fa'alagolago i mea nate maua ua amata nei ona fesuia'i malie talu ai le ulufale mai o tu fa'a-Eulope, ae maise lava le mea tau tupe.

Gagana

Teuteu
 
'Alasopo i le Tuasivi i Sauma

O le atunu'u nei o Amerika Samoa e le tele lava se ese'esega ma le atunu'u o Samoa i sisifo. Talu ai o tagata palalagi sa fa'apea ona o mai ma fa'aleaga va a ia motu e lua o Sāmoa, fa'apenei lava o lo'o lelei mea uma. O le Gagana fa'a Sāmoa sa fa'apea ona pasi mai i a tatou tua'a i talatu'u, o le mea na e tele ai isi atunu'u e ta'i tutusa a latou gagana ma le gagana fa'asamoa. E pei la o le gagana a tagata Tuvalu, ai sea ea le mea e tutusa ai isi upu a tagata Tuvalu ma tagata Sāmoa? Ae e ese'ese lava nei nu'u? Talu ai e leai ni tusitusiga fa'amaufailoga ai pe ta'u atu ai o tagata Tuvalu e o mai mai i Sāmoa. Ae o le latou gagana, ma talatu'u. O le mea tonu lava lena e ta'ua ai tagata Pasefika, atoa ma tagata Samoa i le upu faaperetaniaina: The Navigators. Po'o tagata malaga i luga o vasa.

Sosaiete

Teuteu

Tamaoaiga

Teuteu

Aoga

Teuteu

Vaega o Ata

Teuteu
  •  
    Fatu ma Futi
  •  
    Matafaga i Ofu
  •  
    O le tuasivi o Polauta o se mapu'e (papamaa mai le lava), ae le o se gutu o se maugamu.
  •  
    'Alasopo Taua Lona Lua
  •  
    Motu o Pola
  •  
    O atumotu o Sāmoa
  •  
    Tulaga o motu o Sāmoa i le Pasefika

Tagai foi i le

Teuteu

Mau faasino

Teuteu
  1. ↑ "Kopi teuina". Archived from the original on 2018-12-26. Retrieved 2019-08-01. 
  2. ↑ Stanley, David (1993). South Pacific Handbook. David Stanley. Itulau 350. ISBN 9780918373991.
  3. ↑ 3.0 3.1 Shaffer, Robert J. (2000). American Samoa: 100 Years Under the United States Flag. Island Heritage. Itulau 210. ISBN 9780896103399.
  4. ↑ http://www.ashcouncil.org/wp-content/uploads/2014/09/A%20Brief%20Timeline%20of%20the%20History%20of%20American%20Samoa.pdf
  5. ↑ Jason Tyler, Patric V. Kirch, Terry L. Hunt, Lisa Nagaoka (November 1989). "Final Report on Archaeological Investigations at Site AS-13-1, To'aga, Ofu Island, American Samoa" (PDF). Department of Parks and Recreation, Government of American Samoa. Retrieved 13 July 2010. 
  6. ↑ 6.0 6.1 6.2 Sunia, Fofo I.F. (2009). A History of American Samoa. Amerika Sāmoa Humanities Council. Itulau 145-146. ISBN 9781573062992.
  7. ↑ Sunia, Fofo I.F. (2009). A History of American Samoa. Amerika Sāmoa Humanities Council. Itulau 190. ISBN 9781573062992.
  8. ↑ 8.0 8.1 Sunia, Fofo I.F. (2009). A History of American Samoa. Amerika Sāmoa Humanities Council. Itulau 3. ISBN 9781573062992.
  9. ↑ Sunia, Fofo I.F. (2009). A History of American Samoa. Amerika Sāmoa Humanities Council. Itulau 262. ISBN 9781573062992.
  10. ↑ Sunia, Fofo I.F. (2009). A History of American Samoa. Amerika Sāmoa Humanities Council. Itulau 357-358. ISBN 9781573062992.
  11. ↑ "Manatua pea tiga ma manu’a o le galulolo 2009". Samoa News. 
  12. ↑ 12.0 12.1 12.2 12.3 12.4 Fai’ivae, Alex Godinet (2018). Ole Manuō o Tala Tu’u Ma Fisaga o Tala Ave. Amerika Sāmoa Humanities Council. Itulau ix. ISBN 9781546229070.
  13. ↑ Swaney, Deanna (1994). Samoa: Western & American Samoa: a Lonely Planet Travel Survival Kit. Lonely Planet Publications. Itulau 176. ISBN 9780864422255.
  14. ↑ Sunia, Fofo I.F. (2009). A History of American Samoa. Amerika Sāmoa Humanities Council. Itulau 7. ISBN 9781573062992.
  15. ↑ "American Samoa Statistical Yearbook 2016" (PDF). Matagaluega o Fefaatauaiga. Archived from the original (PDF) on 2019-02-14. Retrieved 2019-08-01. 
  16. ↑ Sunia, Fofo I.F. (2009). A History of American Samoa. Amerika Samoa Humanities Council. Itulau 4. ISBN 9781573062992.
  17. ↑ Butcher, Russell D. and Lynn P. Whitaker (1999). National Parks and Conservation Association Guide to National Parks: Pacific Region. Globe Pequot Press. Itulau 82. ISBN 9780762705733.
  18. ↑ Kroese, David (2019). The Centennial: A Journey Through America’s National Park System. Wheatmark, Inc. Itulau 547. ISBN 9781627876575.
  19. ↑ Schermeister, Phil (2016). National Geographic Guide to National Parks of the United States. National Geographic Books. Itulau 316. ISBN 9781426216510.
  20. ↑ "Visit This Unique, Tropical National Park". National Geographic. 
  21. ↑ "Fact Sheet". Paka Fa'asao o Amerika Sāmoa. 
  22. ↑ Fai’ivae, Alex Godinet (2018). Ole Manuō o Tala Tu’u Ma Fisaga o Tala Ave. Amerika Sāmoa Humanities Council. Itulau 59. ISBN 9781546229070.
  23. ↑ "The special birds of Manu'a" (PDF). Paka Fa'asao o Amerika Sāmoa. 
  24. ↑ "Fishes". Paka Fa'asao o Amerika Sāmoa. 
  25. ↑ https://www.nps.gov/npsa/index.htm
  26. ↑ Haberle, Simon and Janelle Stevenson (2010). Altered Ecologies: Fire, Climate and Human Influence on Terrestrial Landscapes. ANU E Press. Itulau 102. ISBN 9781921666810.
  27. ↑ Goldin, Meryl Rose (2002). Field Guide to the Sāmoan Archipelago: Fish, Wildlife, and Protected Areas. Bess Press. Itulau 281. ISBN 9781573061117.
  28. ↑ Sunia, Fofo I.F. (2009). A History of American Samoa. Amerika Sāmoa Humanities Council. Itulau 6. ISBN 9781573062992.


Oseania
Amerika Sāmoa | Ausetalia | Fiti | Farani Polenisia | Kuamu | Hawai'i | Kiripati | Le Motu o Solomona | Motu Masolo | Feterisitete o Mikoronisia | Nauru | Niu Kaletonia | Niu Sila | Niue | Nopoki | Motu Mariana i Matu | Palau | Papua Niu Kini | Pitikeni | Sāmoa | To'elau | Toga | Tuvalu | Vanuatu | Wake Island | Wallis ma Futuna
Retrieved from "https://sm.wikipedia.org/w/index.php?title=Amerika_Sāmoa&oldid=43863"