O Savai'i o le motu pito telē lea o Sāmoa. O le isi igoa o lenei motu mai i aso anamua, o Salafai. E 43,103 (2006) le aofa'i o tagata e nonofo i Savai'i, ae e 180,741 (2006) le aofai o tagata e nonofo i totonu o Sāmoa atoa. O Savai'i o le motu pito tele i Polenisia i fafo o Hawai'i ma Niusila. O le motu na foaina mai volekano.
O Salelologa le taulaga pito tele i le itu sasa'e o le motu. O Salelologa fo'i e tu ai le uafu tele. E lua fo'i malae va'alele i le motu atoa, e tū le isi i Maota, e 10 minute i saute o Salelologa, 'ae 'o le isi e tū i Asau i le itu sisifo. E tele faifa'atoaga e aumai mai Savai'i. O le nu'u o Tuasivi e tu ai ofisa a le Malo........
Mataupu Lelei
O Niu Sila, na fa'aigoa e Maoli 'o Aotearoa, 'o se atunu'u e tūto'atasi i le Pasefika, e tu i saute o Sāmoa. E lua motu tetele, o le le Motu 'i Mātū (North Island) ma le Motu 'i Saute (South Island). E i ai fo'i tama'i motu. O le aofai o tagata e nonofo i Niu Sila, e ova i le 4 miliona. Toatele o tagata e nonofo i le North Island, o le motu tele fo'i lea e tu ai Aukilani ma Ueligitone.
O Ueligitone le laumua o Niu Sila, e tu ai le fale fono Palemia o Niu Sila, e fa'aigoa o le Beehive. O le Palemia o Niu Sila i le taimi nei o John Key.........
O Manono o le motu i Sāmoa e tu i le va o Upolu ma Savai'i. E 889 tagata e nonofo i Manono. A fa'apea e fia malaga i Manono, e o tagata i va'a laiti mai Mulifanua. Na faiina le malo se fasotaiga tau telefoni i Manono ma eletise 24 tula o le vaiaso.
'O le Iunivesitē Aoao o Sāmoa, e tū i le 'Papaigalagala' i Vaivase, Apia i Sāmoa. E to'atele tupulaga mai le Pasefika 'ua ā'o'oga ai i lenei Iunivesite. Na fa'atūina lenei Iunivesite i lalo o le pūlega fa'apalemia a le afioga ia Tofilau Eti Alesana. 'O se tōfā loloto lea na fa'ataunu'uina ai lenei fa'amoemoe, ma tula'i mai ai se Iunivesite a Samoa lava ia.
'O le 'Inisinia 'o se tagata atamai i mea tau tekonolosi e fau ai masini po'o fausaga tetele e pei o alalaupapa, ala tetele fa'apea ma vāega 'ese'ese o le soifua e mana'omia ai se masini po'o se meafaitino e fesoasoani ai i le fa'afaigofie o le olaga o le tagata.
'O le Lakapī 'o se ta'aloga e fiafia tele i ai tagata Sāmoa. 'O lenei ta'aloga, 'ua 'avea ma ta'aloga e naunau 'i ai ma to'a'aga 'i ai tupulaga tama i Sāmoa. 'O le isi mea e sili ona tāua, 'ua ta'uta'ua ai fo'i le atunu'u o Sāmoa 'ona 'o lana 'aulakapī e fa'aigoa o le Manu Sāmoa.
Faʻatomuaga
'O lenei nofoaga 'ua fa'atautaia mo tagata e tautatala i le Gagana SāmoaWikipedia po'o tagata fo'i 'olo'o fia a'oa'oina le gagana Sāmoa.
'Afai e loloto lou mālamalama i le Gagana Sāmoa, e mafai lava ona 'e suia isi 'upu ma feasoasoani i le fa'a'upuina ma le teuteuga o matā'upu e fa'atalanoaina i totonu o lenei nofoaga po'o le potu.
Mo se fa'amatalaga i le fa'atinoina o le Wikipedia,po'o le poroketi Wikipedia va'ai le nofoaga po'o le potu www.wikipedia.org
Fa'amolemole va'ai 'upu lanumūmū, 'olo'o mana'omia ai lau fesoasoani mo sau fa'amatalaga (po'o se fa'aliliuga fo'i) o nei matā'upu.
